Бастауыш білім берудің жалпы білім беретін оқу бағдарламаларын іске асыратын білім беру ұйымдарының бірінші сыныбына түсетін баланың ата-анасынан немесе өзге де заңды өкілдерінен құжаттарды қабылдау 18 маусымнан 28 маусымға дейін, сондай-ақ қандай да бір себептермен маусым айында құжаттарды тапсыруға үлгермейтін барлық ата-аналар үшін 11 шілдеден 31 тамызға дейін жүзеге асырылады..
Бастауыш білім берудің жалпы білім беретін оқу бағдарламаларын іске асыратын білім беру ұйымдары даярлық деңгейіне қарамастан, білім беру ұйымының қызмет көрсету аумағында тұратын барлық балалардың қолжетімділігін қамтамасыз ете отырып, алты жастағы балаларды және ағымдағы күнтізбелік жылы алты жасқа толатын балаларды бірінші сыныпқа қабылдауды қамтамасыз етеді.
"Бастауыш, негізгі орта және жалпы орта білім берудің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы" Қазақстан Республикасы Білім және ғылым министрінің 2018 жылғы 12 қазандағы № 564 бұйрығы негізінде.
Қазақстан азаматтарына арналған портал арқылы мектепке түсу үшін қажетті құжаттардың тізбесі:
1) ата-анасының немесе басқа да заңды өкілдерінің өтініші;
2) № 065-у нысанындағы денсаулық жағдайы туралы анықтама және №052-2/у баланың денсаулық паспорты;
3) өлшемі 3х4 см фотосурет (2 дана).
